Dumanon iti 47 a tattao ti kompirmado a pimmusay kalpasan ti magnitude 7.7 a ginggned sadiay Indonesia idi Sabado, Agosto 15, 2026.
Sigun iti National Disaster Mitigation Agency (BNPB), saan paylaeng a nakadanun dagiti rescue team sadiay Nagekeo region, gapu iti panagregaay ti daga kadagiti kalsada a paturong sadiay.
Mainaig iti dayta, naobserbaran ti 3 feet a Tsunami waves iti sumarmamano a paset ti Southeast Asian nation kalpasan ti nasao a ginggined.
Nupay kasta, inikkaten dagiti otoridad ti tsunami warning kalpasan ti tallo nga oras.
Sigun iti dadaulo ti BNPB, sumagmamano a residente ti na-trapped kadagiti narba a pasdek.
Maibasar iti datos, dumanon iti 2,000 a residente ti naibakwit sadiay Nagekeo a maysa kadagiti kangrunaan a naapektaran iti nasao a ginggined.
Iti Preliminary data ti BNPB, agarup 157 a pagtaengan ti heavily damaged, 41 ti moderately damaged bayat a 148 ti lightly damaged.
Malaksid iti dayta, nadadael metlaeng ti 87 a pagadalan, 18 a health facilities, lima a simbaan ken innem nga office building.
Maipalagip a napasamak ti ginggined ken adu nga aftershocks iti coastal areas ti eastern Indonesia pasado 5:58 a.m, local time ti nasao a pagilian.