Agarup 60 a delivery riders idiay Kalinga ti naakaawat ti cash assistance iti kalkalpas a payout nga insayangkat ti Department of Social Welfare and Development-SWAD Kalinga itay kanikadua.
Dagiti benepisyaryo iti nasao a payment ket dagiti riders ti transport network companies pakairamanan dagiti agtatrabaho kadagiti online shopping platforms ken courier services.
Sigun iti SWAD Kalinga, pakabuklan a 61 beneficiaries ti nailistada a nagnumar iti kalkalpas laeng a payout iti sidung ti Assistance to Individuals in Crisis Situations (AICS) program.
Tinmulong metlaeng ti Department of Information and Communications Technology-Kalinga iti panangipaay ti cash assistance kadagiti benepisyaryo.
Ti panangipaay ti nasao nga assistance ket paset ti addang iti gobyerno a mangipaay iti tulong nangnagruna iti transport sector a naapektaran iti panagngato ti produkto a petrolyo iti napalpalabas a bulan. //bombokaren.c.sapirao
