Agarup P9.8 Milyon a gatad ti marijuana ti nadiskobre ken dinadael dagiti kameng ti Police Regional Office Cordillera Administrative Region (PRO CAR) iti nagsina nga operasyon ita nga aldaw, Setyembre 17.
Dua a sako ti marijuana ti nakumpiska dagiti kameng ti 1st ken 2nd Kalinga Provincial Mobile Force Company (PMFC) ken Lubuagan Municipal Police Station (MPS) ti Kalinga Police Provincial Office (PPO), kadua ti Regional Mobile Force Battalion 15 (RMFB15) idiay Sitio Balangabang, Barangay Dangoy, Lubuagan, Kalinga.
Sigun iti Kalinga PPO, nakaawatda iti impormasyon seknan iti panggep a panangibiyahe iti marijuana paturong idiay Tabuk City. Dagosda met daytoy a nirespondean ket apaman a nakadanonda iti nadakamat a lugar, idiayda metten a nakumpirmar ti impormasyon a nangitunda iti pannakakumpiskar ti naabandona a dua a sako a naglaon agarup 82 kilo a bulong ti marijuana nga addaan iti Standard Drug Price (SDP) a dumanon iti agarup P9.8 Milyon.
Mannarimaan metten ti imbestigasyon dagiti otoridad tapno maamuwan ti nagtaudan ti naabandona a marijuana iti nasao a sitio.
na droga at ang mga taong may pananagutan.
Kabayatanna, idiay met Abra, agarup 200 piraso ti fully grown marijuana nga addaan iti Standard Drug Price (SDP) a P40,000 ti nadiskubre iti naipatungpal a marijuana eradication operation dagiti operatiba ti Sallapadan MPS, Provincial Drug Enforcement Unit, Provincial Intelligence Unit ken 1st ken 2nd Abra PMFC ng Abra PPO, kadua ti Regional Intelligence Unit 14, RMFB15 kenPhilippine Drug Enforcement Agency-CAR idiay Brgy. Sallapadan Barrio, Sallapadan.
Kinomendaran met ni PBGEN Noel Vallo, Regional Director ti Police Regional Office – Cordillera Administrative Region (PRO-CAR) ti napartak a panagresponde dagiti otoridad kasta metlaeng ti agtultuloy a suporta ken initiatiba ti komunidad iti operasyon kontra iti ilegal a droga.
