Agarup walo pulo a public utility vehicle (PUV) driver ken dua a konduktor ti nagpositibo iti panagaramat iti iligal a droga kabayatan ti naipatungpal a surprise nationwide drug screening ita a Holy Week.
Sigun iti Philippine Drug Enforcement Agency (PDEA), ti drug test ket naipatungpal idi kalman kadagiti kangrunaan a terminals iti pagilian kas paset ti Oplan: Harabas.
Maibasar iti datos, dumanon iti 3,270 nga indibidual ti naipasidong iti drug screening ken 84 kadagiti driver ket nagpositibo.
13 kadagitoy ket bus drivers; maysa ket mini-bus driver; 19 ket jeepney drivers; 27 ket tricycle drivers; maysa ket taxi driver; dua ket motorcycle taxi riders ken 11 ket UV van drivers.
Dagiti driver a nagpositibo iti droga ket naipawil a nagbyahe ken ti lisensya dagitoy ket temporaryo a naconsficate bayat a maur-uray ti confirmatory tests ken panakaipaay ti clearance dagitoy manipud Philippine Drug Enforcement Agency (PDEA).
