--Ads--
Maidiaya ti agarup 82,000 a trabaho iti intero a Pilipinas bayat ti “Kalayaan Job Fairs” kagiddan ti pannakaselebrar iti 127th Philippine Independence Day ita nga aldaw.
Idauluan daytoy ti Department of Labor and Employment (DOLE) no sadino maipatungpal daytoy kadagiti uppat a pulo ket innem a sites iti intero a pagilian.
Daytoy ket pakairamanan dagiti local ken overseas a trabaho.
Kabayatanna, nagpalagip dagitoy kadagiti interesado a makipaset a mangitugot kadagiti pre-employment requirements, kas ti resume, ID pictures ken dadduma pay.
Kagiddan dayta, inyunay-unayda metlaeng kadagiti employers a rumbeng a maipaayan dagiti empleyado dagitoy nga agtrabaho ita nga aldaw iti double pay.
