--Ads--
BAGUIO CITY – Agtultuloy ti panangduktal dagiti otoridad iti pakabigbigan dagiti agtagikua kadagiti nadiskobre a plantation sites ti marijuana sadiay Kibungan, Benguet.
Kasaruno daytoy ti panangparut ken panang-uram dagiti otoridad iti agarup P3-M a gatad ti marijuna manipud iti tallo a sitio sadiay Barangay Tacadang, Kibungan.
Sigun iti pulisya, naisayangkat ti dua nga aldaw a marijuana eradication a nakaparutan ti 11,482 a pidaso ti marijuana.
Naparut dagitoy iti siyam a nagsisina a plantation sites.
