Pimmusay ti agarup lima nga indibidual, gapu iti rinnupak iti nagbaetan iti grupo ni Engr. Datu Alonto Sultan a Moro Islamic Liberation Front (MILF) 105th base command ken grupo ni Commander Ikot Dandua, pakairamanan ti grupo ni Commander Bawse iti 128th, 129th base commands idiay Barangay Kilangan, Pagalungan idi Mierkules, October 30, 2024.
Nagbinnara dagiti nasao a grupo gapu iti panagsusupiat iti lote a nangitunda iti rinnupak.
Sigun kenni Major Zukarnain Kunakon, chief iti Pagalungan municipal police station, narekorber dagiti sangapulo a bangkay iti napasamakan iti insidente.
Nupay kasta, saan pay a nalawag ti bilang dagiti pimmusay ken nadangran gapu iti nasao nga insidente.
Sigun kadagiti residente a nagbakwit, nagrugi ti rinnupak iti pasado ala una ti malem ken manarimaan paylaeng idi alas ocho ti rabii ti Mierkules.
Iti agdama, agtaltalinaed dagiti soldado manipud iti 90th Infantry Battalion ken Pagalungan municipal police iti asideg ti napasanakan iti rinnupak idiay Barangay Kilanan agraman dagiti nagbakwit a sibilian tapno palubosan ti dadaulo ti Moro Islamic Liberation Front (MILF) nga isimpada iti tension iti nagbaetan dagiti nagrinnupak a clans.
