AUSTRALIA – Pimmusay ti agassawa a Pinoy kalpasan a nalmes dagitoy idiay Perth, Australia idi napalabas a lawas.
Maibasar iti inisyal nga imbestigasyon, naipadamag kadagiti otoridad a saan a nagaw-awid ti agassawa rason a sinukimatda ti lugar a nagturongan dagitoy.
Nasarakan ti lugan dagiti agassawa iti Herron Point Boat Ramp ngem awan dagiti alikamenda iti panagkalap.
Dagus met a naipatungpal ti search and rescue operation ket nasarakan ti bagi dagitoy iti Peel Estuary, 30 kilometers ti kaadayo-na manipud idiay Mandurah, Perth idi Marso 14.
Maibasar pay iti imbestigasyon, manarimaan ti fishing expedition dagiti agassawa idi napasamak ti trahedya.
Agtultuloy met ti imbestigasyon dagiti otoridad sadiay nupay man awan ti nakita da a foul play iti nasao a pasamak.
Nabigbig dagitoy a da Leslie manipud Abra ken Ballo manipud Ilocos, kas maibasar iti social media account dagitoy.
Maipalagip a dua laeng a lawas ti napalabas iti renewal of vows dagitoy idi napasamak ti trahedya.
Iti agdama, adda iti kustodiya dagiti kabagian ken gagayyemda ti naulila a 13-anyos nga anak dagitoy.
