--Ads--
Kinumpirmar iti Bureau of Immigration ita nga aldaw a pimmanaw iti pagilian da Senador Alan Peter Cayetano ken Senador Pia Cayetano.
Maibasar iti rekord iti nasao nga ahensia, awan ti hold departure order wenno aniaman a derogatory record kontra iti dua a senador agingga iti aldaw a panagikkatda a manglapped kuma iti panangruarda iti pagilian.
Nupay kasta, kinuna iti BI a saan a mabalin nga ibutaktak dagiti detalye seknan iti panagbiaheda.
Sigun iti ahensia, kas maitunos iti Data Privacy Act of 2012, saanda a mabalin nga ibutaktak ti itinerary dagitoy wenno dadduma pay nga impormasion seknan iti panagbiaheda.
Ti statement iti BI ket nairuar kasaruno dagiti report a naglugan iti maysa a flight idi Miyerkules ti agbakbsat a Cayetano.
