Nangiparuwar ti Sixth Diviison ti Sandiganbayan ti precautionary hold departure order (PHDO) kontra kenni Senator Francis Joseph Chiz Escudero ken maysa pay a pribado nga indibidual ita nga aldaw.
Maibasar iti dokumento nga inparuar ti korte, binilin daytoy ti Commissioner on Bureau of Immigration a lapdanda ti nasao a senador a rumuar iti pagilian a Pilipinas.
Malaksid iti senador, karaman kadagiti listaan ti Hold Departure List ti maysa nga indibidual a nabigbig kas Maynard Siy Ngu.
Nagramut ti nasao a direktiba manipud iti maysa a verfied ex Parte Application for the Issuance of a Precautionary Hold Departure order nga inpila ti nasao a korte.
Kadawyan nga araramiden daytoy ti Sandiganbayan kas panagalwad ken panangsigurado nga agtalianed iti uneg ti pagilian dagiti indibidual a posible a sumango iti preliminary investigation wenno reklamo.
Iti agdama, maururay pay laeng ti statement manipud iti kampo ni Senator Escudero ken Ngu seknan iti naipaulog a direktiba. //bombokaren.c.s
