INDIA – Maysa a lalaki ti nakapasar ti nakaro a panagdara ti agongna idiay India.
Nagturong iti ospital ni Cecil Andre Gomes gapu ta makalawas a nagdardara ti agongna ken nakarikna pay daytoy ti naidumduma iti uneg ti agongna.
Iti panasukimat ti doktor, naduktalanna ti sibibiag a matek.
Sigun kenni Dr. Subhash Chandra Verma, ti rason ti panagdara ti agong ni Cecil ket gapu iti panagsipsip ti matek iti dara daytoy.
Mamati ni Gomes a posible a nakastrek iti agong daytoy bayat ti panagdigosna iti maysa a karayan.
Kinuna pay ti doktor a nasayaat ta saan a nakastrek ti matek iti kritikal a paset ti ulo kas iti mata wenno utek.
Nupay kasta, balligi a naikkat ti sibibiag a matek ken awan ti nadangran iti agong ni Cecil.
Sigun kadagiti eksperto, kabaelan ti matek a mabiag iti uneg ti bagi ti tao iti las-ud ti makalawas.
Kadawyan pay a sumsumrek iti bagi ti tao ket dagiti matek a nagtaud iti Praobdellidae family.
