--Ads--
Nailukaten iti publiko ti Agri-Tourism Fair a paset ti 124th Adivay Festival idiay Wangal, La Trinidad, Benguet ita nga aldaw.
Addaan daytoy iti tema nga “Embracing our heritage, Co-creating a Healthier Benguet,” no sadino naituding nga agleppas daytoy inton Disyembre kwatro, iti agdama a tawen.
Nagserbi kas speaker ni Shawnie Dale B. Bitso, ti agtagikua iti Sanagi Farm bayat ti pannakailukat daytoy.
Maimatangan met ditoy dagiti nagduduma a booths ken tagilako dagiti sangapulo ket tallo a munisipyo iti probinsya ti Benguet.
Kabayatanna, al-allukuyen ni Benguet Governor Dr. Melchor Daguines Diclas ti publiko nga agbisita tapno maimatangan dagiti agkakapintas a booths iti adivay festival.
