Impetteng ni Palace Press Officer Undersecretary Claire Castro a saan a rumbeng a piliten ti Philippine National Police (PNP) ken Department of the Interior and Local Government (DILG) nga iruar iti pagagasan ti maysa nga akusado nu sertipikado met daytoy dagiti doktor a saan paylaeng a mabalin ken saan a natalged a madischarge daytoy.
Kasaruno daytoy iti pannakaarestar ni sigud nga House Speaker Martin Romualdez.
Kinuna pay ni Castro a rumbeng a suroten nu anya ti ibaga dagiti doktor seknan iti salun-at ti maysa nga akusado.
Innayonna pay a saan met a mabaelan ti maysa nga akusado nga aglibas bayat nga adda daytoy iti pagagasan ken mannarimaan ti panagbantay kenkuana dagiti otoridad.
BUYAEN TI PASET TI PANNARITA NI UNDERSECRETARY CLAIRE CASTRO:
