Imbayog ti Department of Foreign Affairs iti Alert Level 3 ti pagilian nga Israel ken Iran gapu iti agtultuloy a gulo iti nagbaetan ti dua a pagilian.
Ti addang ket mangipasimudaag iti Voluntary Repatriation a mangidagdagdag kadagiti overseas Filipino Workers nga agsubli iti Pilipinas gapu iti kumarkaro a tension.
Ti pannakaingato ti alert level ket epektibo ita nga aldaw.
Dagiti Pilipino a kayatna nga agsubli ket tumawag laeng iti numero ti nasao nga ahensia a naipablaak iti social media.
Malaksid idi dayta, mabalinda metleng a makikoordinar iti embahada ti Pilipinas idiay Israel ken Iran tapno dagos a matulungan dagitoy.
Kabayatanna, immunan a kinuna ti nasao nga ahensia a maiparit ti panagbiahe idiay Middle East gapu iti agtultuloy a gulo sadiay.
