Kinemmeg dagiti kameng ti pulisia ti Crown Princess ti Norway gapu iti reklamo a panagrames.
Maibasar iti report ti Norweigan police, adda iti kostodia dagitoy ni Marius Borg Høiby gapu iti mapapati a panagramesna.
Sigun iti abogado ti baente anyos a biktima, saanna nga am-ammo ti baente siete anyos a ni Holby.
Iti aldaw iti napakasamakan ti insidente laengen a naam-ammona ni Høiby .
Ngem pinaglibakan ti kampo ni Høiby ti nadakamat nga alegasion kontra kenkuana.
Ni Høiby ket naipasngay sakbay nga agkasar paylaeng ti inana a ni Mette-Marit iti prinsipe a ni Haakon ken nagbalin a prinsesa idi 2001.
Iti agdama, sumangsango daytoy iti nagduduma a kaso manipod iti lima a nagsinnabali a tattao nga uppat a babai ken maysa a lalaki.
Ti tallo a biktima a babi ket sigud a karelasion ni Høiby a nakarikna iti pannakasair manipod kenni Høiby.
Idi bulan ti Agosto ket nakasuan ni Høiby gapu iti panagataken ken criminal damage iti maysa nga apartment.
