BAGUIO CITY – Naan-anayen a naaprobaran ti Anti-Distracted Walking Ordinance of 2018 ti siudad ti Baguio City.
Sigun ken ni City Public Information Officer Dexter See, babaen iti ordinansa ket maipawil ti panagaramat iti gadget bayat ti pannagna kadagiti para publiko a luglugar.
Inlawlawagna nga adu dagiti mapaspasamak nga aksidente gapu kadagiti tattao nga agar-aramat iti gadget bayat ti pannagna dagitoy wenno bayat ti panagballasiwda kadagiti kalsada.
Kinunana a no agar-aramat iti gadget dagiti tattao bayat ti pannagnada ket maawan ti focus dagitoy iti aglawlaw a posible a mangitunda iti aksidente.
Kinuna pay ti opisial a karaman kadagiti maipawil iti ordinansa ti panag-text, panagbasa iti mensahe ken panagay-ayam iti gadget bayat ti pannagna dagitoy.
Mapatawan iti kaskenan a multa dagiti asinoman nga aglabsing iti ordinansa.
