Agtaltalinaed ti takder ti gobierno ti Pilipinas iti pannakaimplementar ti Anti-Terrorism Act (ATA), ken kinunada a mangraem daytoy iti human rights bayat ti diskusion ti Pilipinas iti maikapito a Periodic Report iti sidong ti International Covenant on Economic, Social, and Cultural Rights (ICESCR) idiay Geneva, Switzerland.
Sigun kenni National Security Council (NCS) Assistant Director-General Jonathan Malaya, amin a kaso a naipila iti sidong ti Anti-Terrorism Act (ATA) ket adda iti nainget a ligal a panagadal.
Ti International Covenant on Economic, Social, and Cultural Rights (ICESCR) ket maysa a katulagan ti United Nations a mangipasigurado kadagiti kangrunaan a karbengan a kas ti karbengan nga agtrabaho, social security, umdas a kasasaad ti panagbiag, panangtaripato ti salun-at, edukasion, ken pannakipaset iti cultural life.
Naibilin pay kadagiti pagilian a nangratipikar iti katulagan a mangsalaknib ken mangpreserba iti basic human rights.
Iti isyu ti red-tagging, kinuna ti National Task Force to End Local Communist Armed Conflict (NTF-ELCAC) a “mischaracterized” ti nasao nga ahensia.
Kinuna ni National Task Force to End Local Communist Armed Conflict Secretariat executive director Undersecretary Ernesto Torres Jr. a nangipaayda ti umno nga impormasion kadagiti indibidual a nairaman iti ‘terror grooming wenno radicalization,’ a mangpabileg kadagiti tattao nga agaramid iti nasayaat ken mangpili a mangsalaknib iti bagbagida ken kadagiti komunidad.
Idi Mayo 2024, kinuna ni National Task Force to End Local Communist Armed Conflict a saan a rumbeng a maikkat ti NTF-ELCAC.
