Kidkiddawen ti Estados Unidos ti extradition ni Kingdom of Jesus Christ leader Pastor Apollo Quiboloy a sumangsango iti sex trafficking ken racketeering charges sadiay Amerika.
Sigun kenni Philippine Ambassador to Washington Jose Manuel “Babe” Romualdez, naipatuluden ti pormal a kiddaw iti Department of Justice (DOJ).
Maipalagip a naarestar ni Quiboloy idi September 2024 gapu iti panaglabsingna iti Republic Act 7610 wenno Special Protection of Children Against Abuse, Exploitation, and Discrimination Act.
Sumangsango daytoy iti non-bailable qualified human trafficking charge iti sidong ti Section 4(a) ti Republic Act No. 9208.
Agdama a nakabalud ni Quiboloy iti Pasig City Jail.
Kabayatanna, immuna nga inwaragawag ti US prosecutors idi November 2021 ti reklamo kontra kenni Quiboloy seknan iti sex-trafficking charges.
Sigun iti 2021 US indictment, dagiti biktima ket agtawen iti nagbaetan ti 12 ken 25 a narekrut kas personal assistants para kenni Quiboloy ngem maatap a nakapasar dagitoy iti sexual harassment.
