Naka-red alert ita dagiti sumagmamano nga units ti Armed Forces of the Philippines (AFP) ken nakasagana a tumulong kadagiti Pilipino nga agkasapulan ti tulong gapu iti panagdalapus ti Super Typhoon Pepito.
Sigun iti pannakangiwat ti Armed Forces of the Philippines (AFP) a ni Colonel Francel Padilla, na-activate ti national response cluster daytoy iti koordinasion iti dadduma a maseknan nga ahensia.
Iti Armed Forces of the Philippines (AFP), naideploy ti search and rescue teams tapno mangsapul kadagiti mapukpukaw nga indibidual ken tumulong kadagiti mariribukan.
Tallo a units ti naka-red alert manipud iti Armed Forces of the Philippines a kas ti 2nd Infantry Division, 5th Infantry Division, ken ti 7th Infantry Division.
Dagiti miembro ti civilian active auxiliary ken reservists ket nakasagana metlaeng tapno mangipaay ti tulong.
Impasigurado ni Padilla a tumulong ti pakabuklan a 3,312 a kameng ti Armed Force of the Philippines–120 sea assets, ken 40 nga air assets tapno mangipaay iti tulong.
Manarimaan ti pannakitinnulongda kadagiti nagduduma nga ahensia ti gobierno a kas ti Department of Social Welfare and Development (DSWD), Department of Health (DOH), Department of Information and Communications Technology (DICT), Department of Education (DepEd), Department of Public Works and Highways (DPWH), kasta met iti Philippine National Police (PNP).
