Nangipila ti gambling tycoon a ni Charlie “Atong” Ang iti counter-affidavit idi kalman mainaig iti kaso dagiti mapukpukaw a sabungero kadwa ti abogado a ni Gabriel Villareal.
Iti nasao a dokumento, kiniddaw ni Ang iti panel of prosecutors nga i-remand ti kaso para iti umno ken patas nga imbestigasyon.
Sigun kenni Atty. Villareal, makabukel laeng ti sayanggusing a ni Ang ti responsable iti panakapukaw dagiti sabungero nu awan iti umno a case build-up ken maipatungpal nga umno nga imbestigasyon.
Innayonna nga adda dagiti USB a naglaon kadagiti nadadagsen nga ebidensya kontra iti whistleblower a ni Julie “Don-Don” Patidongan.
Maipalagip a ni Atong Ang ti naitudo a mastermind iti panakapukaw dagiti mammallot a maatap a naidispatsa wenno naibelleng iti paset ti Taal Lake.
Malaksid kenni Ang, naakusaran metlaeng ni Gretchen Barretto a maysa kadagiti adda ti pakainaiganna iti nasao a kaso kasta metten dagiti daduma a maatap a kameng iti pulisya.
