Binanatan ti Malacañang ni sigud a Presidential Spokersperson Harry Roque gapu iti insawangna a komento seknan iti panang-jogging ni President Ferdinand “Bongbong” Marcos, Jr. idi Lunes tapno mapaneknekanna a nakaradkad daytoy.
Sigun kenni Palace Press Officer Undersecretary Claire Castro, kayat laeng ti presidente nga ipakita iti publiko ti kondisyon daytoy tapno maisardengen dagiti espekulasyon seknan iti salun-at daytoy.
Maipalagip a nangipablaak ni Atty. Harry Roque no sadino dinakamatna nga adadda a nasaysayaat a mangiruwar ti Malacanang ti medical bulletin imbes nga agjogging daytoy iti manu laeng a metro.
Kas sungbat, binuweltaan ni Undersecretary Castro ni Roque ken ti nagbalin a posisyon daytoy idi napalabas nga administrasyon.
Impalagip ni Castro nga idi panawen ni sigud a President Rodrigo Duterte, mismo a da sigud nga housespeaker Ernesto Abella ken Harry Roque ti nangibaga a saan a kasapulan a mangipablaak ti health records gapu ta umdasen ti ibaga mismo ti presidente.
Impetteng pay daytoy a ti mannarimaan a panangdadael ket manipud iti kayatna a mangdadael iti mannarimaan nga administrasyon. //bombokaren.c.s
