Nainget a pinaglibakan ni sigud a Presidential Spokersperson Harry Roque ti damag a daytoy ti nangidemanda iti nagpaamammo a bagman ni Vice President Sara Duterte a ni Ramil Madriaga iti kaso daytoy a kidnapping.
Sigun kenni Atty. Roque, ti nangidemanda kenni Madriaga ket ti Anti-Kidnapping Group (AKG) ti Philippine National Police (PNP) a nakabase iti testimonya ti testigo ken dagiti miyembro ti Anti-Kidnapping Group a nag-surveillance tapno masarakan ti lugan a naaramat iti panangkidnap kadagiti Filipino-Chinese a biktima no sadino nasarakan daytoy iti sanguwanan ti pagtaengan ni Madriaga.
Kinunana pay nga adda pay motorsiklo a naaramat iti abduction ken adda dagiti text messages a mangpaneknek nga adda ti komunikasyon dagiti kidnappers ken pamilya ti biktima idi napasamak ti panangipaay iti ransom.
Innayon pay daytoy, “Ibig sabihin, hindi po ako ang nagrereklamo sa kanya, hindi po ako ang dahilan kung bakit siya nakasuhan, ang dahilan po ay dahil sa reklamo ng AKG at ang naging basehan naman ng mga fiscal para sabihin na merong reasonable chance of successful prosecution at probable cause laban kay Madriaga ay ang ebidensya. Ebidensya na nanggaling sa mga biktima ng kidnapping, ebidensya na galing sa PNP, dahil nga po nagkaroon ng malawakan at malalimang imbestigasyon sa kasong ito.”
Impettengna metlaeng a ti mismo a korte ti nangibaga nga umdas ti ebidensiya kontra kenni Madriaga isu’t gapunna a saanda nga inpaay kenkuana ti panagpiyansa kabayatan iti panagtaray ti hearing ti kaso. //bombokaren.c.s
