Kinnidaw da Atty. Nicholas Kaufman ken Dov Jacobs ti pannakaikatda kas defense counsels ni sigud a president Rodrigo Duterte iti kaso na a crimes against humainity idiay International Criminal Court.
Iti surat a naipatulod iti International Criminal Court Trial Chamber III idi kalman, inlawlawag ni Kaufman a binisita daytoy ni sigud a president Rodrigo Duterte no sadino pinalubosan daytoy ti panaglusolusna ken ti tarigagay daytoy a maka-hire ti agbalin a kasukat ni Kaufman.
Innayunna a maysa a tawen laeng ti naituding a panangirepresentarna iti sigud a presidente ket opisyal a nagleppas daytoy iti Marso 31 iti agdama a tawen.
“In light of the aforementioned, in accordance with Regulation 78(1) of the Regulations of the Court, I hereby respectfully request leave to withdraw as Counsel for Mr Rodrigo Roa Duterte in the case of the Prosecutor v. Rodrigo Roa Duterte (ICC-01/21-01/25),” sigun iti surat ni Kaufman iti nasao a korte.
Nangisumitir metlaeng ti kapada a surat iti International Criminal Court Trial Chamber III ti associate counsel daytoy a ni Jacobs.
Iti agdama, awan pay laeng ti ninaganan ti kampo ni sigud a president Duterte a baro nga abogado a mangibagi iti sigud a presidente kadagiti sumarsaruno a panagdengngegna. //bombokaren.c.s
