Nagsapata ita nga aldaw ti maysa kadagiti akusado a nangibaga nga addan ti naipaulog a TRO iti pannakatiliw ni sigud a President Rodrigo Duterte, nga inagananna ti nagtaudan ti palso nga impormasion.
Sigun kenni Atty. Raul Lambino, ikabilna ti sungbatna nu sadinno ti nagtaudan ti impormasion, ngem impaganetgetna a nagturongda iti Korte Suprema tapno maberipikar ti pudno nu adda ti nairuar a TRO.
Idi laeng napalabas a lawas, nangipila ti National Bureau of Investigation (NBI) ti reklamo kontra kenni Lambino ken ti Duterte Youth party-list chairman Ronald Cardema gapu iti mapapati a panangiwaras iti palso a damage.
Maipalagip nga idi Marso 11, bayat ti Facebook Live broadcast ni Lambino, impadamagna nga addan ti TRO nga inted ti Korte Suprema kas sungbat iti petision nga inpila ti legal team ni Duterte.
Pinaglibakan met daytoy ti NBI a nangiruar ti Korte Suprema iti temporary restraining order (TRO) tapno mapasardeng ti panangimplementar ti arrest warrant nga impaulog ti International Criminal Court (ICC) kontra kenni Duterte.
Malaksid iti NBI, dinamag pay ti Korte Suprema ni Lambino nga ilawlawagna nu apay a saanna a sanguen ti administrative sanctions kas maysa nga abogado iti panangiwaras ti palso a damage iti pannakatiliw ni Duterte.
Sigun kenni Lambino, awan pay ti naawatna a kopia a show cause order manipod iti Korte Suprema ken ti reklamo ti NBI.
