Dakkel ti nagbalin nga epekto ti “surprise rally” nga insayangkat ti Iglesia ni Cristo (INC) idi June 30, 2026.
Saan laeng iti gobierno apektado, no di ket karaman dagiti empleyado, estudiante, pasiente ken negosiante a naapektaran iti nailet a gunay ti trapiko iti EDSA sadiay Manila idi June 30, 2026.
Sigun kenni Palace Press Officer USec. Claire Castro, nangitunda ti surprise rally iti riribuk gaputa maatap nga awan ti permit ken saan a naipakaammo iti gobierno.
Gapu iti dayta, awan ti umdas a panagsagana para iti traffic management.
Innayon ni Usec. Catro a rumbeng nga adda ti permit ken koordinasyon iti gobierno no maisayangkat ti rally tapno maisagana dagiti kasapulan a traffic ken safety measures.
Impaganetget ni Castro a masapul a maraem ti karbengan dagiti umili nga agprotesta a maitunos iti linteg.
Nupay kasta, inyunay-unay ti opisial nga aniaman a panaglabsing ket maimbestigaran ken agsungbat dagiti mapaneknekan a naglabsing iti linteg.//mp4
