Kinompirmar ti Department of Social Welfare and Development (DSWD) nga agar-aramat iti iligal a droga ti babae a rinumwar manipud iti kanal idiay Makati.
Sigun iti nasao nga ahensia, ammo dagiti social workers ti “occasional” wenno sagpaminsan a panagaramat daytoy iti droga.
Gapu iti dayta, maipasidong daytoy iti drug rehabilitation sigun kenni Pag-abot Program Officer-in- Charge Deputy Program Manager Marilyn Moral.
Maipalagip nga impaayan ti DSWD ni Rose iti P80,000 a gatad ti livelihood package a pangrugianna iti store.
Sigun kenni Moral, awan ti pilpilien ti Pag-abot program no siasino ti rumbeng a tulungan.
Innayon ti nasao nga opisial a siguraduen dagiti social workers ken dagiti dadduma a maseknan nga opisina tapno masigurado nga adda ti positibo a panagbalbaliw iti biag ni Rose ken ti partnerna.
