--Ads--
BAGUIO CITY – Nasarakanen ti bagi ti 13-anyos nga estudyante a nalmes iti karayan idiay Barangay Tocucan, Bontoc, Mt Province.
Immunan a nabigbig daytoy a ni Veneizah “Kulasa” Atiwag.
Maatap a nalmes iti karayan nga asideg iti Tocucan Elementary School ti ubing.
Maibasar iti inisyal a report ti Emergency Operations Center, napan naglangoy ti biktima ken dagiti gagayyemna iti karayan nga asideg iti pagadalanda idi kalman, Mayo 14.
Nagduduma a rescue teams ti naideploy para iti pannakabiruk ti biktima.
Nasarakan ti bagi daytoy iti Aronga river sadiay Tocucan, Bontoc, Mt Province.
