Baguio City- Indominar ti Baguio Boxing Team ti pasalip a “Boxing sa Baguio Charter Day” na naipatungpal idiay Baguio Athletic Bowl idi kalman.
Manipud iti walo a boksingero a nakisalip ken nangibagi iti Baguio City ket lima kadagitoy ti nagballigi kadagiti kalaban da.
Indaolwan daytoy dagiti boksingero iti Under 17 boys category nu sadino nagballigi ni Rhusco Buctayon kontra kenni Stephen Elmahad ti UB iti 48 kgs category.
Nangabak met laeng ni Seph Emman Dupais kontra kenni Jayson Diga ti Aringgay, La Union iti 50kgs division. Balligi met ni Anthony Cuaresma kontra kenni John Philip Guerero manipud met laeng iti Aringgay La Union iti 52kg weight limit.
Kabayatan na iti nadagdagsen a weight division iti 57kgs ket nagballigi met ni Gibson Potpotan babaen iti referee stopped contest wenno RSC kontra kenni Rich Domingo manipud iti San Fernando City, La Union.
Naibulsa met ni Jave Domingo ti RSC iti 57 kgs category kontra kenni Ramcy Cabigat.
Napaay met dagiti tallo a boksingero ti Team Baguio, dagitoy ket da Aldred Digmayo iti 60kgs weight division, Arwin bagking iti 40kgs division kenni Vham Lamorena iti 46kgs division.
Dumanon iti uppat a pulo ket pito ti naituding laban iti nasao a pasalip ngem dua pulo ket pito laeng ti naileppas gapu iti panagtudo na iti kamaleman.
Sigun kenni sigud a Philippine National Boxing coach a ni Glicerio Catolico, ti Tournament Director ti boxing tournament ket dakkel a tulong tapno makaipaay iti kanayunan a kapadasan wenno experience dagiti boxers ti Baguio City a naikeddeng a makisalip iti Batang Pinoy National Championship a maipatungpal idiay General Santos City intun sumaruno a bulan.
