Baguio City – Nilagdaan ng Pamahalaang Lungsod sa pangunguna ni Mayor Benjamin Magalong ang Memorandum of Agreement (MOA) sa International School of Sustainable Tourism, Inc. noong Pebrero 4 upang maging co-host ng 9th Philippine International Farm Tourism Conference sa darating na Marso 4–6, 2026.
Itinalaga sa MOA ang Baguio bilang Host City at Co-Chair ng prestihiyosong kaganapan na magtitipon ng mga farm owners, magsasaka, tourism stakeholders, at iba pang kalahok mula sa ASEAN upang isulong ang sustainable agriculture at farm tourism.
Ayon sa MOA, malinaw ang mga tungkulin ng parehong panig upang matiyak ang tagumpay ng event, na layong palakasin ang turismo sa bansa at pakinabangan ang mga stakeholder.
Sa pamamagitan ng kolaborasyong ito, pinapakita ng Baguio City ang commitment nito sa sustainable tourism, agricultural development, at community empowerment.
Ang nasabing conference ay magsisilbing plataporma para sa inobasyon, pagkatuto, at inklusibong paglago sa Cordillera at sa buong bansa.
