Impeksa ni Atty. John Paul Martin- election officer iti siudad ti Baguio a nakasaganan ti siudad ti baguio para iti masungad a midterm election inton Mayo 12, 2025.
Kinunana a siam a pulo a porsyento a nakasagan dagitoy.
Daytoy ket kagiddan ti kaleppas a naipatungpal nga insepction ken verification kadagiti official ballots para iti siudad.
Naimatangan metten ken kumpleton dagiti automated counting machines (ACM).
Ti laengen maudi nga aramiden dagitoy ket i-test dagiti automated counting machines (ACM) tapnu masigurado nga agkurkuri dagitoy.
Nakasaganan metlaeng dagiti mannursuro nga agbalin nga electoral boards ken polling centers iti siudad ti baguio.
Iti sabali a bangir, mangnamnama ti Atty. Martin nga awan ti aberya wenno problema a mapasamak inton mayo 12, nangruna ta saanda makita ken malukatan dagiti balota nu pudno nga isu ti nilaonna.//Bombo Noveh Organo
