--Ads--
![](https://img.bomboradyo.com/baguio/2020/03/79681154_2790356420985362_2664736699875065856_n.jpg)
BAGUIO CITY – Agrugi ita nga aldaw ti Dominggo, March 29 ti panakairikep ti entero a City Public Market ti Baguio.
Sigun iti Baguio City Market Authority, maitunos daytoy iti barangay lockdown policy tunggal Dominggo.
Kinuna ti opisina nga amin a pwesto ken establishimento iti masakupan ti city market compound ket mairikep iti entero nga aldaw.
Karaman a mairikep dagiti pasdek iti aglawlaw ti merikado iti pakabuklan a First Kayang, Second Kayang, Third Kayang, Zandueta Street ken Hilltop Road agingga Magsaysay Road.
Nupay kasta, agtalinaed met a nakalukat dagiti amin nga essential establishments iti ruar ti merkado publiko ti siudad.