--Ads--
BAGUIO CITY- Ibalbalakad ti Baguio City Police Office ti panangidulin wenno panangitugot dagiti motorista kadagiti arwaten dagitoy nu saanda nga aramaten.
Kasaruno daytoy ti nagsasaruno a panakatakaw dagiti helmet kadagiti naglabas nga aldaw.
Sigun kenni PMaj. Roger Kurt Pacificar, dadaulo ti Abanao Police Station, nangipatungpalda ti entrapment operation sadiay Burnham Lake Drive a nagresulta iti panakakemmeg ni Carlos Ramos Soltan.
Dinakamatna nga intaray ni Soltan ti helmet ti maysa a pulis a nagpammarang kas ordinaryo nga indibidual.
Napilaan metten ti suspek iti kaso a panagtakaw.
Impetteng ni Pacificar a posible a grupo ti responsable iti panakatakaw dagiti helmet iti Baguio City rason nga agtultuloy ti imbestigasion dagitoy.
