BAGUIO CITY – Nakemmeg ti maysa a balasang a maatap a drug pusher iti drug buy-bust operation nga insayangkat iti nagtipon a pwersa ti Itogon, Municipal Police Station, PDEU/PIB, ken PBIMB Benguet PPO ken pamalubos kenni Police Major Rommel Sawatang sadiay City Limit, Binanga Sur, Tuding, Itogon, Benguet.
Nabigbig daytoy a ni Shane Sherwin Batuyog, 30-anyos, tubo ti Sampaloc, Manila ken residente ti Gibraltar, Baguio City.
Nakumpiskar manipud iti balasang ti uppat a pakete a naglaon iti maatap a shabu, coin purse, lighter, P500 a boodle money, cellphone ken dadduma pay.
Naiturong met ti suspek ken dagiti nakumpiskar a banag iti Itogon MPS para iti umno a dokumentasyon ken panakaipila iti criminal charges gapu iti panaglabsingna iti Section 5 ken 11 ti RA 9165.
Sumangsango ita ti babae iti kaso a panaglabsing iti Republic Act 9165. (-with Bombo Florence Paytocan)
