Mabalin a maidarum ni Bamban Mayor Alice Guo iti kaso a “perjury” apaman a matakwatan a saan a Filipino citizen.
Daytoy ti kinuna ni ni Commission on Elections (Comelec) chairperson George Garcia ita nga aldaw, Mayo 13.
Bayat ti ambush interview kalpasan ti panagdinggeg ti Senado, nadamag ni Garcia nu adda ti posibilidad a ni Guo ket nangipresentar ti peke a dokumento a nangpalubos kenkuana nga agtaray iti posision a Mayor ti Tarlac idi 2022 eleksion.
“Kung mapapatunayan na hindi naman talaga siya Filipino citizen ay siya po ay puwedeng maging liable o makasuhan ng perjury,” kinuna ni Garcia.
Sigun pay kenni Garcia, kalikaguman laeng ti COMELEC dagiti agtarigagay a kandidato a mangisubmitir iti “certificate of candidacy” nu sadinno, naideklara sadiay a dagitoy ket maysa a “Filipino citizens.”
“As far as the Comelec is concerned, ang sinasubmit lang po sa atin base sa ating batas base sa desisyon ng Korte Suprema ay certificate of candidacy,” kinunana.
“Wala pong nire-require ang batas na i-submit mo o dalhin mo ang nanay at tatay mo para patunayan na ikaw ay Filipino,” innayon pay ni Garcia.
Inlawlawag ni Garcia nga ipagarup ti poll body a pudno ti deklarasion dagiti agtartarigagay a kandidato agingga a maipila ti kaso a “disqualification” wenno “cancellation of candidacy” ti maysa a rehistrado a botante.
Immunan a dinamag ni Senator Risa Hontiveros ti kinasiasinno ni Guo nu sadinno, kinunana nga awan ti opisial a rekord daytoy kas maysa a Pilipino.
