Ammo yu kadi a naisangsangayan ti banda a “Vegetable Orchestra” sadiay Vienna, Austria?
Daytoy ket gapu ta dagiti instrumentoda ket naaramid kadagiti nateng.
Nabukel ti nasao a banda idi tawen 1998 ken buklen daytoy ti sangapulo ket maysa a miyembro nga addaan iti background kadagiti nagduduma a genres kas iti rock, punk ken classical.
Nakaperform met dagitoy kadagiti agarup tallo gasut a concert usar dagiti carrot recorder, cucumberphone, radish bass flute ken daduma pay.
Sigun iti nasao a banda, mamatida a mabalin a makaproduce-da iti sound a mangngegan kadagiti instrumento.
Iti panagaramid dagitoy iti nateng nga instrumento ket kasapulan met a creativeda gapu ta nalaka a makpet ken madadael dagiti nateng.
Kalpasan ti performances dagitoy ket mangidiadiayada iti vegetable soup a nakaaramatan dagiti leftover a nateng a nag-aramidanda iti instrumento.
