--Ads--
BAGUIO CITY – Umap-apela ti Tuba Municipal Police Station kadagiti mapukpukawan ti kabagyan tapnu agturongda iti Cosmopolitan Memorial Chapel sadiay Marcos Highway tapno bigbigen no daytoy ti bangkay ti lalaki a nasarakan sadiay Bued, Camp 5, Kennon Road, Tuba, Benguet itay kanikadua.
Sigun kenni PCapt. Peter Camsol, hepe ti pulisya iti Tuba, nakasuot ti bangkay iti brown polo t-shirt, gray jogging pants ken addaan suot a pink rosary.
Kinunana nga adda metlaeng ti tattoo iti puseg ti bangkay nga “I WILL WIN”, tribal design tattoo iti kannigid a pungua-punguan, nagan a GLAIZA iti kannigid a takiag ken letra nga R iti kannigid nga ima.
Mapatta-patta nga agtawen iti 45-50 ti bangkay ken agtayag iti 5’4″.
