--Ads--
![](https://img.bomboradyo.com/baguio/2022/06/POLICE-REPORT-2-2.jpg)
BAGUIO CITY- Nasarakan ti bangkay ti maysa a senior citizen iti pagtaenganna sadiay Central Ambiong, La Trinidad, Benguet itay rabii.
Maysa daytoy a lalaki, agtawen 63 ken residente iti nasao a lugar. Maibasar iti report, nadanonan ti apo ti lolo na a nakatugaw ken nakadumog iti lamisaan.
Nupay kasta, saanen nga aggar-garaw ti lolo ken awanan ti puot.
Naduktalan nga agsagsagaba ti biktima iti pneumonia ken heart ailment.
Nagdesisyon met ti pamilya a saanen a maipasidong ti bangkay iti otopsiya gaputa agtalek dagitoy nga awan ti napasamak a foul play.