BAGUIO CITY- Naituding ti pannakaimplementar dagiti uppat a baro a garbage collection scheme idiay Bakakeng Central, Guisad Surong, Gibraltar ken Irisan inton Setyembre a nuebe, iti agdama a tawen.
Gapu iti daytoy, adda dagiti mapangpanggep nga aldaw a pannakakolektar dagiti recyclable tapno maisina dagiti nabubulok ken plastics a basura.
Maimanmandato kadagiti nadakamat nga uppat a barangay a kasapulan nga isinada dagiti basura dagitoy kangrunaan ti recyclable materials tapno ilako dagitoy kadagiti junkshops kas panangsurot metlaeng waste to effort ti siudad.
Daytoy ket gapu ta dagiti laeng residual waste ti kolektaen dagiti basurero.
Panggep daytoy masigurado ti kinadalus dagiti aglawlaw ken tapno makissayan ti makolkolektar a basura iti siudad.
