Nakemmeg ti battalion commander ken sub-commander iti Moro Islamic Liberation Front (MILF) iti nagsina nga operation idiay Marawi City gapu iti mapapati nga illegal a panaglako iti paltog.
Nakemmeg ti nasao a battalion commander iti undercover operation nga insayangkat iti Philippine National Police – Criminal Investigation and Detection Group (PNP-CIDG) iti nasao a lugar.
Narekober manipud iti suspek dagiti armas a naidulin iti uneg ti sako a maipagarup nga inlakona iti undercover police officer.
Kabayatanna, nakkemmeg ti battalion sub-commander ti Moro Islamic Liberation Front (MILF) iti sabali nga operasion gapu metlaeng iti mapapati nga illegal a panaglako iti paltog.
Narekober manipud iti nasao a battalion sub-commander ti dua nga automatic rifles, dua a pistol, bala, ken nagduduma a paraphernalia.
Kabayatanna sigun iti Philippine National Police, posible a maikabil ti Bangsamoro Autonomous Region iti sidong dagiti election areas of concern, isu’t gapuna a nainget ti panangmonitor ti nasao nga ahensia ken Commission on Elections iti nasao a lugar.
