Nailista ti kangatwan a bilang dagiti BAR takers iti kalleppas a 2025 Bar Examinations.
Sigun iti Korte Suprema, ti pakabuklan a 11,425 a nag-exam ti maibilang a kangatwan iti Philippine Bar History.
Daytoy ket manipod iti 13,193 a na-admit nga aplikante para iti nasao nga eksaminasyon ita a tawen.
Maipalagip a naipatungpal ti tallo nga aldaw nga examination idi September 7, 10, ken 14 kadagiti 14 a local testing centers iti nagduduma a lugar iti pagilian.
Paset daytoy ti panagregget ti Korte Suprema a pagbalinen a regionalized, digitalized, ken inclusive ti nasao nga ekaminasyon.
Malaksid iti dayta, sinigurado daytoy nga uray dagiti Persons With Disability a mangpangpanggep nga agpaisidong iti nasao nga eksaminasyon ket maipaayan iti gundaway.
Kabayatanna, inton January 2026 ti tentative nga schedule iti panakairuar iti resulta bayat nga inton February met ti oath-taking ken Roll of Attorney signing.
