--Ads--
Indagadag dagiti mangsupsuporta kenni sigud a President Rodrigo Duterte ti panagtignay ti Korte Suprema kadagiti pending petitions para iti panakaisubli ni FPRRD iti Pilipinas.
Nagprotesta dagiti nasao a supporters iti sangwanan ti Korte Suprema ita nga aldaw, kagiddan ti naituding a panakaipatungpal ti umuna a confirmation of charges ti sigud a presidente.
Sigun iti convenor iti DDS Sara All Confederation a ni Wendell Cabrera, mangisumitirda iti nasao a korte kadagiti surat nga addaan kadagiti minilmilyon a pirma.
Patien ni Cabrera a ti laengin Korte Suprema ti mapangnamnamaanda tapno makaawid ni FPRRD ti pagilian.
Kagiddan dayta,inladawanna a “grave injustice” ti naikasta kenni sigud a president Duterte.
