Kinondenar iti civil society group nga August Twenty One Movement wenno ATOM ti desision iti Korte Suprema a baliktaden ti conviction kenni sigud a First Lady Imelda Marcos iti pito a bilang iti graft.
Sigun iti grupo, makapadismaya ti pangeddeng ti korte.
Kinuna pay iti ATOM a kasla naawananda metlaeng iti namnama kalpasan a binaliktad iti Korte Suprema ti conviction, sumagmamano nga aldaw kalpasan a kinasuan iti Ombudsman ni sigud a House Speaker Martin Romualdez iti plunder.
Kabayatanna, iti desision a nairuar idi kalman, kinuna iti Korte Suprema a napaay ti prosecutin a paneknekan a guilty beyond reasonable doubt ni Marcos.
Binaliktad daytoy ti 2018 ruling iti Sandiganbayan a nangngeddeng kenni Marcos iti innem agingga 11 a tawen a pannakaibalud iti tunggal maysa iti pito a bilang iti graft.
Sigun iti korte, saan a nasayaat a na-authenticate dagiti dokumento iti Swiss a naaramat kas ebidensia ken awan metlaeng ti umdas a credible witness a mangpaneknek iti authenticity dagitoy.
