BAGUIO CITY- Umad-ado latta ti bilang dagiti motorista iti Cordillera nga aglablabsing iti linteg trapiko iti baet ti nainget a panagwanawan ti Land Transportation Office.
iti panakiuman ti Bombo Radyo Baguio, kinuna ni LTO-Cordillera Regional Director Francis Ray Almora nga adda latta dagiti matiltiliwda a saan a rehistrado a lugan.
Dinakamatna nga ado metlaeng a drivers ti mamulmulta gaputa awan ti lisensia dagitoy a nagmaneho.
malaksid iti daytoy, inayonna ni Almora a manaynayon ti bilang dagiti colorum a lugan a mangibibiahe kadagiti pasahero kasukat ti nangina a plete.
Inyunay-unayna manen a saan a mabalin a mangibiahe dagiti pribado a lugan kadagiti pasahero ken saan a mabalin a maipaabang ti lugan dagitoy.
Impetteng ni Almora nga adon ti naimpound a lugan gapu iti nagduduma a panaglabsing dagiti agtagikua kadagitoy.
impaganetgetna a dandani mapunnon ti impounding area sadiay La Trinidad ken Tuba rason nga agsapsapulda ti kanayonan a disso nga agserbi kas impounding area ti LTO-Cordillera
