![](https://img.bomboradyo.com/baguio/2021/08/habagat-la-trinidad.jpg)
BAGUIO CITY – Dumanon itan iti 11 a pamilya ti nagbakwit sadiay La Trinidad, Benguet gapu iti pangta ti panagregaay ti daga nga epekto ti mapaspasaran a nepnep.
Iti panakiyuman ti Bombo Radyo kenni Yoshio Labi, dadaulo ti Municipal Disaster Risk Reduction and Management Office (MDDRMO) ti La Trinidad, sangapulo kadagitoy ti nagkamang kadagiti kakabagyanda ken maysa a pamilya ti temporarion nga agnanaed iti evacuation center sadiay Poblacion.
Kabayatana, agtaltalinaed a maysa ti nailista a totally damaged a pagtaengan iti nasao nga ili.
Mangipapaay met ti lokal a munispyo iti tulong kadagiti nagbakwit ken apekado a nga pamilya.
Kabayatana, agtultuloy latta nga agrikrikos dagiti otoridad iti nagduduma a paset munisipyo nkalpasan ti panakailista ti panaglayos ken panagregaay ti daga iti masakupan ti munisipyo kabayatan ti mapaspasaran nga nepnep.
Kinunana a naka-alerto ti dagiti otoridad sadiay pakairaman ti personel dagitoy, iti pulisya, nagduduma nga opisina ken ahensia nga agpatpatrolya kadagiti naririsgo a lugar.
Kinunana a malaksid iti Balili River ,Cogcoga Pico ken sadiay Km 4 karaman a bambantayanda ti panagngato ti lebel ti danom sadiay Barangay Betag ken Poblacion.
Sigun pay kenkuana, napartak itan a bumabbaba ti lebel dagiti danum a maur-urnong kadagiti drainage sadiay malaksid a nakasagana dagiti amin a maseknan nga otoridad nga agresponde iti nasao nga ili.
Kabayatanna, palpalagipan ni Labi ti panagridam ti publiko nangruna dagiti motorista sadiay a dumaldalyasat kadagiti kalkalsada ken lugar a kadawyan a mapaspasamakan ti panagreggaay ken panaglayos gapu iti agtultuloy a panagtudtudo.
Kiniddawna pay ti pannangiyuman ti publiko kadagiti otoridad iti aniaman a mapasaranda nga epekto ti panagtudtudo.
Mabalin a mangipatulod iti mensahe dagiti umili iti iti official facebook account ti Mayor’s Office La Trinidad, kadagiti barangay officials wenno iti MDRRMO hotline a 0939-990-0789.