BAGUIO CITY–Nanayunan ti bilang dagiti pamilya a nagturong iti Tent City sadiay Wangal Sports Complex, La Trinidad Benguet.
Maibasar iti datos, dumanonen iti 59 ti bilang dagiti pamilya ti nagturong iti nasao a lugar a bukbuklen ti 163 nga indibidual.
Maipalagip a dumanon laeng iti 26 a pamilya ti nagturong sadiay idi napalabas a lawas.
Kabayatanna, nagtaod dagiti nasao a pamilya iti Sitio Garison,Barangay Ucab; Sitio Luneta,Barangay Loakan ken Sitio Surong, Barangay Gumatdang.
Iti agdama, agarop 26 a tent houses ti naimuntar sadiay a pagnanaedan dagiti nasao a bilang ti pamilya.
Kabayatanna, nangrugin a nangipaay ti Technical Education and Skills Development Authority (TESDA) iti skills training para kadagiti evacuees ti Tent City sadiay Wangal Sports Complex, La Trinidad Benguet.
Maibasar iti report, nangipaay ti TESDA iti libre a skills training iti Driving, Welding, Masonry, Backhoe Operations, Cooking, ken Baking para kadagiti evacuees.
Nupay kasta, awan pay agingga iti agdama ti impanamnama dagiti dadduma nga ahensya a livelihood programa para kadagitoy.
Kabayatanna, maiturung amin iti Pacalso Elementary School dagiti agpalista para kadagiti agtarigagay nga agnumar iti nasao nga skills training ti TESDA
