Dumanon iti pakabuklan a 1.89 million a Pilipino ti unemployed idi bulan ti Setyembre iti agdama a tawen sigun iti Philippine Statistics Authority.
Nupay kasta, ad-adda a ngimmato ti bilang dagiti awanan iti trabaho idi bulan ti Oktubre a dumanon met iti 2.07million.
Kasaruno ti nadakamat a labor survey, kinuna ti National Economic Development Authority a masapol nga ipangruna ti gobyerno iti Pilipinas ti mangbukel kadagiti quality jobs.
Mainaig iti dayta, impeksa ni National Economic Development Authority Secretary Arsenio Balisacan a maysa a napateg nga addang ti panakaipasa iti Konektadong Pinoy Bill ken ti ad-adda a panagregget tapno maequip ti workforce.
Innayonna a paregtaenda ti kolaborasyon kadagiti pribado a sektor ken iti academe tapno ma-upskill ti workforce partikular iti panagaramat iti digital technologies ken daduma pay nga inobasyon.
