Impakaammo ni Senate President Pro Tempore Sherwin Gatchalian ti work-from-home (WFG) arrangement para kadagiti amin a senador ita nga aldaw, Hunyo 4, gapu iti napasamak iti senado idi kalman a sigun kenkuana nangapektar iti operasyon ken morale dagiti empleyado.
Sigun iti naipablaak nga a direktiba, impakammo ni Gatchalina a panggep ti nasao nga addang a mapagtalinaed ti neutrality ti bureaucracy ti senado.
Gapu iti dayta, mapalubosan dagiti amin nga empleyado ti Secretariat ken Senate Proper nga agtrabaho manipud kadagiti pagtaengan dagitoy. Dinakamatna a saan daytoy a maikonsidera nga insubordination, AWOL, wenno panaglabsing iti anyaman a pagalagadan ti senado.
Sakbay dayta, nangipaulog ni Senator Alan Peter Cayetano ti memorandum nga agtuloy metlaeng ita nga aldaw ti naituding a panagdengngeg iti Blue Ribbon Committee hearing.
Sigun kenni Senator Cayetano, agtalinaed a mailukat ti senado ken impettengna nga adda ti otoridad na kadagiti pasilidad ti senado kas maitunos iti 1987 Konstitusyon.
Nagballag daytoy a rumbeng a saan a mai-‘padlock’ ti senado ken agtuloy ti panagdengngeg ti komite.
Panggepna metlaeng nga agturong iti senado inton alas-dyes ti agsapa ita nga aldaw tapno siguradoen ti panaglukat ti session hall para iti nasao a hearing.
Immunan a naipasidung ti Blue Ribbon Commitee iti panagidaulo ti kampo ni Senator Cayetano ngem itan ket naituding nga idaulon ni Sen. Erwin Tulfo kalpasan ti panagbaliw ti mayorya idi kalman. //bombokaren.c.sapirao
