Inakusaran ni Senator Alan Peter Cayetano ni Senator Panfilo “Ping” Lacson a maysa daytoy kadi maatap a naikarian nga agsublat iti posisyon ni Vice President Sara Duterte iti kanito a ma-impeach daytoy.
Atapen ni Cayetano a daytoy ti maysa a rason isu’t gapuna a nakapokus ti atensyon dagiti dadduma a Senador iti impeachment no idilig iti imbestigasyon ti flood cotrol scam ken ti maatap a korapsyon iti agdama nga administrasyon.
Impaganetget ni Cayetano nga adu ti ammo ni Lacson maipapan iti flood control scam ngem, saanna nga imbutaktak agsipudta ti agnumar ditoy ket ni Vice President Sara Duterte.
Iti baeta dayta, kinuna ni Cayetano a posible suportaranna ti arapaapna ni Lacson nga agtugaw kas bise presidnete no sinurotna laneg ti ebidensiya ken patas ti embistigasyon.
Nagramot ti nagsasaruno nga alegasyon ni Cayetano kalpasan a sinungbatan ni Lacson ti immuna a maatap a panangdadael ni Cayetano iti integridad daytoy.
Imbutaktak met ni Lacson nga adda ti maatap a ghost projects sadiay Taguig a sigud a nagserbian ni Cayetano kas Kongresista.
Sigun kenni Lacson, adda ti nakasagana nga agtestigo ken mangipaay iti ebidensya a mabalin a mangitunda iti pannakaibalud ni Cayetano.
