Inlaksid ni Senator Panfilo Lacson ti alegasyon ni Senator Alan Peter Cayetano a nagdoble ti net worth daytoy.
Sigun kenni Senator Lacson, awan ti insertions wenno pork barrel nga inaramidna sipud idi nagtugaw kas senador, saan a kas kenni Senator Cayetano a maatap nga addaan iti P6.79 billion budget insertions iti 2025 General Appropriations Act (GAA).
“Unlike Sen. Cayetano, with P6.79 billion in budget insertions under the 2025 GAA (General Appropriations Act), I have had no insertions, a.k.a. pork barrel, since I became a senator. At lalong wala akong 25% kickback sa mga slope protection and other infra projects,” sigun kenni Sen. Lacson.
Daytoy ti sungbat ni Lacson iti akosasyon ni Cayetano kabayatan ti Facebook Live broadcast-na idi Sabado, July 18, 2026.
Iti Live broadcast ni Cayetano, kwenestionaranna ti Statements of Assets, Liabilities and Net Worth (SALNs) ni Lacson ken Senate Blue Ribbon Committee chairperson Erwin Tulfo.
“Kay Senator Lacson, di ba? Ano yung actual? I didn’t really pay that much attention, pero parang dumoble yung kanyang SALN,” sigud kenni Cayetano
Sigun kenni Lacson, nagun-udna ti kuartana babaen kadagiti pribado a negosio daytoy.
Inlawlawag pay ti Senador a dimmakkel ti pamasrekanna kalpasan a pimmanaw iti government service.
Sigun kenkuana, mabirepikar daytoy babaen kadagiti income tax returns-na.
Kabayatanna, inakusaran ni Lacson ni Cayetano a nakagun-od iti binilion a pisos kadagiti budget insertions.
Innayon pay ni Lacson a saan a nalpas ti dua a proyekto nga aggatad iti agarup P75 milion no sadino, kinunana a paset ti maipagarup a P6.79-billion insertions ni Cayetano.
