BAGUIO CITY – Ngimmato ti bilang dagiti single iti rehiyon Cordillera kas maibasar iti kaudian a datus ti Philippine Statistics Authority.
Iti interview ti Bombo Radyo kenni Aldrin Federico Bahit, Jr. Chief Statistical Specialist ti Philippine Statistics Authority – Cordillera, ado-ado ti bilang dagiti single a lallaki nu idilig kadagiti single a babbai.
Manipud iti 1.8 million a populasyon iti Cordillera, 913,000 wenno 37% dagiti single.
Manipud iti nasao a bilang dagiti single, 54% ditoy ket lallaki bayat a 46% dagiti babbai.
Iti 15-19 age group, 85,000 a lallaki ti single bayat a 78,000 a babai ti single.
Iti 20-24 age group, 63,000 a lallaki ti single bayat a 49,500 a babbai ti single.
Iti 25-29 age group, 60% dagiti lallaki a single bayat a 40% kadagiti babbai.
Iti met 35-44 age group, 64% dagiti single a lallaki bayat a 36% kadagiti babbai.
Nupay kasta, iti 65-69 ken 70-74 age group, ad-ado dagiti single a babbai nu idilig kadagiti lallaki gapu ta nabalo dagitoy.
Immunan a kinuna ti Philippine Statistics Authority a dagiti maaw-awagan a single ket awanan ti asawa ken live-in partner.//Cara Sacyaten
